Ermənistan MN İsveçrə vətəndaşının insidenti ilə bağlı araşdırmaya başlayıb
Ermənistan Müdafiə Nazirliyi İsveçrə vətəndaşı Sandro Şmidin iştirakı ilə baş vermiş insidentlə bağlı xidməti araşdırmaya başlayıb.
Crossmedia.az xəbər verir ki, bu barədə erməni KİV-ləri məlumat yayıb.
İsveçrədən olan bir turist yaxınlarda Ermənistana səfər edərək motosikletlə ölkə ərazisində səyahət edib. Səfər zamanı o, asayişi pozmadan və heç bir maneə ilə üzləşmədən hərbi mövqelərdən birinə qədər gedib çıxıb, orada isə onu erməni hərbçiləri qarşılayıb.
Şmidin özünün sosial şəbəkələrdə yaydığı videoda hərbçilər xüsusi mühafizə olunan əraziyə icazəsiz daxil olmuş bu xarici vətəndaşı nəinki saxlayırlar, əksinə onunla səmimi və söyüşlərlə zəngin bir tərzdə söhbət edirlər.
Hazırda Ermənistan Müdafiə Nazirliyi hadisənin başvermə şəraitini araşdırır.
13:23 29.08.2025
Oxunuş sayı: 663
