Britaniya İsrailin Londonda keçiriləcək beynəlxalq silah sərgisində iştirakını məhdudlaşdırıb
Böyük Britaniya hökuməti İsrail hökuməti və ordusunun nümayəndələrinin sentyabr ayında Londonda keçiriləcək beynəlxalq silah sərgisi Defense and Security Equipment International (DSEI)-də rəsmi iştirakını məhdudlaşdırıb.
Crossmedia.az xarici KİV-ə istinadən xəbər verir.
"Politico"ya açıqlama verən Böyük Britaniya rəsmisi bildirib ki, İsrail şirkətlərinə sərgidə iştirak icazəsi verilir, lakin İsrailin milli pavilyonu olmayacaq.
İsrailin Müdafiə Nazirliyi bu qərarı sərt tənqid edərək, onu “təhqiredici və utancverici diskriminasiya aktı” adlandırıb. Nazirlik milli pavilyon yaratmaqdan və rəsmi iştirakdan imtina etdiyini bəyan edib, lakin sərgidə iştirak etmək qərarına gələn şirkətlərə tam dəstək verəcəyini bildirib.
“Hazırda İsrail bir neçə cəbhədə ekstremistlər və Qərbə, beynəlxalq dəniz yollarına da təhdid yaradan terrorçularla mübarizə aparır. Belə bir vaxtda Britaniyanın bu qərarı düşmənlərin maraqlarına xidmət edir, terrorizmi leqallaşdırır və siyasəti ora gətirir ki, orada olmamalıdır,” – deyə İsrail Müdafiə Nazirliyi bildirib.
12:08 29.08.2025
Oxunuş sayı: 548
