Venesuela təcavüz fonunda müdafiə qabiliyyətini və milli birliyini gücləndirir.
Crossmedia.az xarici KİV-ə istinadən xəbər verir ki, bunu ölkə prezidenti Nikolás Maduro bəyan edib.
“Bu gün, ardıcıl 20 günlük mühasirədən sonra biz dünənkindən daha güclüyük; ölkə daxilində və dünyada dəstəyimiz artıb,” — deyə o, xüsusi təyinatlıların təlimi zamanı kursantlara müraciətində bildirib. Maduronun sözlərinə görə, “imperialist Qrinqolar” Venesuelanın sərvətlərini ələ keçirmək, ölkəni koloniyaya çevirmək və parçalamaq istəyirlər, “amma buna heç vaxt nail ola bilməyəcəklər.”- deyə, Maduro bildirib.
Eyni zamanda Maduro BMT Baş katibi Antonio Quterreşə müraciət edərək, ABŞ hökumətinin Venesuelaya qarşı düşmənçilik hərəkətlərinin dayandırılmasına və ölkənin ərazi bütövlüyü və suverenliyinin qorunmasına yardım etməyə çağırıb.
