ABŞ Ukraynaya 825 milyon dollarlıq hərbi avadanlıqların satışını təsdiqləyib
ABŞ Dövlət Departamenti Ukraynaya idarə olunan ERAM aviasiya raketlərinin və əlaqədar avadanlıqların 825 milyon dollar dəyərində satışını təsdiqləyib, — Təhlükəsizlik Sahəsində Əməkdaşlıq Agentliyi (DSCA) bildirib.
Crossmedia.az xarici KİV-ə istinadən xəbər verir ki, təchizat paketinə 3,350 ədəd uzaqmənzilli raket və bir o qədər də müdaxilələrə qarşı qorunan naviqasiya sistemi daxil olacaq.
Sövdələşmə Danimarka, Niderland, Norveç və ABŞ-ın Xarici Hərbi Maliyyələşdirmə (Foreign Military Financing) proqramı hesabına maliyyələşdiriləcək.
ERAM raketləri F-16, MiQ-29 və Su-27 tipli təyyarələrdə istifadə oluna bilər və radiolokasiya stansiyalarını, hava hücumundan müdafiə sistemlərini və dəniz hədəflərini məhv etməyə qadirdir.
09:57 29.08.2025
Oxunuş sayı: 733
