Xarici xəbərlər

Ankara Rusiya-Ukrayna nizamlanmasında öhdəliklərini yerinə yetirməyə hazırdır

"Qəzza Zolağındakı mövcud vəziyyət və atəşkəsə nail olunması istiqamətində səylər müzakirə olunub."-Hakan Fidan

Crossmedia.az xarici KİV-ə istinadən xəbər verir ki, Türkiyənin xarici işlər naziri Hakan Fidan ABŞ-dakı həmkarı Marko Rubio ilə telefon danışığı zamanı Ankaranın Rusiya və Ukrayna arasında sülh prosesində üzərinə düşən öhdəlikləri yerinə yetirməyə hazır olduğunu bildirib.

"28 avqustda Türkiyənin xarici işlər naziri Hakan Fidan ABŞ dövlət katibi Marko Rubio ilə telefon danışığı aparıb. Onlar Rusiya və Ukrayna arasında sülhə nail olunması yönündə aparılan səyləri qiymətləndiriblər. Fidan bu prosesdə Türkiyənin öhdəliklərini yerinə yetirməyə hazır olduğunu bildirib", — Türkiyə Xarici İşlər Nazirliyindən bildirilib.

Bundan əlavə, "Qəzza Zolağındakı mövcud vəziyyət və atəşkəsə nail olunması istiqamətində səylər müzakirə olunub", — deyə mənbə qeyd edib. Bu kontekstdə Fidan "insani vəziyyətin ən qısa zamanda yaxşılaşdırılmasının zəruriliyini" vurğulayıb.

🖨 Çap et

09:46 29.08.2025

Oxunuş sayı: 830