Tomas de Vaal: “Ermənistanın tələbi yekun saziş mətninə salınmayıb”
Karnegi Mərkəzinin baş elmi işçisi Tomas de Vaal bildirib ki, Ermənistanın beynəlxalq mexanizmlərin sazişə daxil edilməsi ilə bağlı tələbi yekun mətnə salınmayıb.
Crossmedia.az BBC-nin yazdığı xəbərə istinadla bildirir ki, Ermənistan əvvəlcə öz konstitusiyasını dəyişməlidir:
“Müstəqillik bəyannaməsinə istinad prezident İlham Əliyevi qane etmir. Konstitusiya dəyişikliyi üçün referendum tələb olunur ki, bu da ən azı 2026-cı ilin ortalarınadək baş tuta bilməz və nəticəsi də indidən proqnozlaşdırılmır”.
De Vaal həmçinin qeyd edib ki, sazişin beynəlxalq zəmanətçisi məsələsi də açıq qalır: “Əgər tərəflərdən biri sazişi pozsa, sonra nə olacaq? Bu məsələ BMT-yə göndəriləcəkmi? Təhlükəsizlik Şurasının qətnaməsi varmı?” – deyə o vurğulayıb.
Fidan Xəlilova
19:07 28.08.2025
Oxunuş sayı: 895
