Xarici xəbərlər

Tramp: “ İrana qarşı əməliyyat qüsursuz keçdi, hər bomba hədəfini vurdu”

ABŞ prezidenti Donald Tramp 12 günlük İran-İsrail müharibəsi çərçivəsində Amerikanın İrana qarşı həyata keçirdiyi hərbi əməliyyatların qüsursuz olduğunu bildirib.

Crossmedia.az xəbər verir ki, Tramp bu açıqlamanı Ağ Evdə çıxışı zamanı deyib.

“36 saatlıq əməliyyat tam qüsursuz keçdi. Hər bomba öz hədəfinə dəydi,” – deyə Tramp bildirib. O, əməliyyatın əsas hədəflərindən birinin #İranın nüvə obyektləri olduğunu qeyd edərək əlavə edib ki, Amerika bombardmançıları həmin hədəflərə “birbaşa dəhlizlər vasitəsilə” zərbələr endirib.

Qeyd olunub ki, Trampın bu açıqlaması, New York Times nəşrinin daha əvvəl yaydığı məlumatlarla üst-üstə düşür. Həmin məlumatda bildirilirdi ki, ABŞ ordusu Fordo nüvə obyektinə hücum planlaşdırarkən dağın üstündə yerləşən ventilyasiya şaxtalarına xüsusi diqqət yetirib.