“Joğovurd”: Ermənistanın ixrac həcmləri azalıb
Ermənistanın ixrac həcmləri azalır.
Crossmedia.az xəbər verir ki, bu barədə Ermənistanın “Joğovurd” nəşri yazıb.
Nəşr rəsmi mənbələrdən öyrənib ki, 2025-ci ilin iyun ayında ixracın azalması 15,9% təşkil edib, yanvar-iyun aylarının yığılmış azalması isə 52,8% olub.
“İqtisadçılar bu qədər böyük azalmanı əsasən qızılın təkrar ixracı prosesinin dayandırılması ilə izah edirlər. Belə ki, Rusiyadan gətirilən qızılın əsas hissəsi – 71%-i Birləşmiş Ərəb Əmirliklərinə ixrac olunurdu. Hərçənd ixrac həcmlərinin azalmasının tempi tədricən zəifləyir, amma hələ də böyük boşluq var”, - deyə nəşr bildirib.
KİV-in məlumatına görə, “Luys” fondu təhlil edib ki, əgər ixracın artımı “qiymətli və yarıqiymətli daşlar, qiymətli metallar və onlardan hazırlanmış əşyalar” mal qrupunun təsirini nəzərə almadan (təkrar ixracın təsirini neytrallaşdıraraq) hesablansa, artım cəmi 1,1% təşkil edəcək. Yəni baza effekti olmadan ixrac artımı bu qədər aşağıdır.
“Bu isə son illərdə ixrac potensialının itirilməsinə işarə edir. Halbuki iqtisadiyyat naziri Gevorq Papoyan hələ də bu və ya digər sahələrdə artım barədə yalan, boş və mənasız hansısa rəqəmlər dərc edir”, - deyə müəllif qeyd edib.
10:07 26.08.2025
Oxunuş sayı: 714
