İsveçdə hökumət sənədləri hava limanı tualetində tapılıb
İsveçin paytaxtındakı Stokholm-Arlanda beynəlxalq hava limanında hökumət sənədləri olan qovluq tapılıb.
Crossmedia.az “Dagens Nyheter”-ə istinadən xəbər verir ki, həmin sənədlər baş nazir Ulf Kristerssonun səfərindən sonra təmizləyici işçi tərəfindən hava limanının tualetində aşkarlanıb.
Məlumata görə, qovluqda Türkiyə ilə aparılan danışıqlar və İsveçin NATO-ya qoşulması ilə bağlı materiallar olub. Hadisə 2022-ci ilin noyabrında baş verib.
İsveç Təhlükəsizlik Xidmətinin rəhbəri Fredrik Agemark SVT telekanalına açıqlamasında bildirib ki, sənədlər öyrənildikdən sonra onların gizli məlumat daşımadığı müəyyən edilib: “Bu səbəbdən hər hansı zərərin qiymətləndirilməsinə əsas olmayıb”.
Nicat Rüstəmzadə
15:04 25.08.2025
Oxunuş sayı: 709
