Kadırov təkzib etdi - "Xəstəxanada deyiləm, şahmat oynayıram"
Ramzan Kadırovun xəstəxanaya yerləşdirilməsi ilə bağlı yayılan şayiələrdən sonra o, oğlu ilə şahmat oynadığı fotonu paylaşaraq səhhətinə dair iddialara cavab verib.
Crossmedia.az xəbər verir ki, çərşənbə axşamı Ramzan Kadırovun “VKontakte”dəki səhifəsində onun böyük oğlu Əhmədlə şahmat oynadığı bir foto yayımlandı. Paylaşımda qeyd olunub ki, bu, yoldaşlıq oyunu olub, “debüt kəskin keçib” və qələbəni Kadırov qazanıb.
Bu paylaşım, Kadırovun Türkiyədə xəstəxanaya yerləşdirildiyi barədə yayılan şayiələrdən sonra onun sosial şəbəkədə ilk görünüşü olub. Lakin fotodakı bəzi detallar diqqət çəkib: küçədə yaz fəslini xatırladan parlaq yaşıl yarpaqlar görünür, oğlu Əhməd isə havanın +30°-dən yüksək olduğu bir vaxtda kapüşonlu sviter geyinib, bu da əlavə suallar doğurub.
Kadırovun xəstəxanaya yerləşdirilməsi ilə bağlı şayiələr beş gün əvvəl yayılıb, Çeçenistan hakimiyyəti isə bu barədə rəsmi açıqlama verməyib. Son səkkiz gündə o, ictimaiyyət qarşısına çıxmayıb.
Bənövşə Zahidli
13:50 30.07.2025
Oxunuş sayı: 3890
