Xarici xəbərlər

Suriyanın müxalifət liderindən önəmli mesaj: “Vahid ölkə, fərqli sistem”

Suriya Demokratik Qüvvələrinin (SDF) lideri Mazlum Abdi ölkənin gələcəyi ilə bağlı vacib açıqlamalar verib. Belə ki, o, Suriyanın yenidən qurulmasında mərkəzsizləşdirmənin əsas rol oynayacağını bildirib:

Crossmedia.az xəbər verir ki , bu barədə xarici KİV məlumat yayıb.

“Suriyanın yenidən qurulmasının həlli mərkəzsizləşdirmədir. Bəzi qurumlar mərkəzləşdiriləcək, digərləri isə mərkəzləşdirilməmiş və əyalətlərin nəzarəti altında fəaliyyət göstərəcək”,-deyə o qeyd edib.

Həmçinin, lider əlavə edib ki, əyalətlər kantonlar və vahid ştatlar modelində olacaq:

“Dünyanın bütün ölkələrində olduğu kimi, əyalətlər kantonlar və vahid ştatlar modelində olacaq. Bəzi şəxslər, bəzi qruplar, hətta cəmiyyətin bəzi təbəqələri inteqrasiyadan narahatdırlar.100 min silahlının Suriya Müdafiə Nazirliyinə inteqrasiyası böyük əməliyyatdır. Biz Suriya Müdafiə Nazirliyinin tərkibində olacağıq. Biz vahid Suriyanı və vahid ordunu dəstəkləyirik. Lakin bunu həyata keçirmək üçün zaman lazımdır”.

Fatimə Məmmədova

🖨 Çap et

11:42 30.07.2025

Oxunuş sayı: 979