Türkiyə 10 milyard dollarlıq qırıcı satışı həyata keçirib
IDEF-2025
müdafiə sərgisində Türkiyə, İndoneziyaya 48 ədəd beşinci nəsil KAAN qırıcısının
tədarükünü nəzərdə tutan müqavilə imzalayıb.
Crossmedia.az
xəbər verir ki, bu barədə CNN məlumat yayıb.
Rəsmi
maliyyə detalları açıqlanmasa da, KİV məlumatına görə, müqavilənin dəyəri 10
milyard dollara çatır. Bu, Türkiyə müdafiə sənayesinin tarixində ən böyük ixrac
müqaviləsi hesab olunur. Razılaşma təkcə təyyarələrin tədarükünü deyil, həm də
texnologiyaların ötürülməsini, İndoneziyada yerli istehsalın dəstəklənməsini və
birgə mühəndislik işlərini də əhatə edir.
İmzalanma
mərasiminə Türkiyə Müdafiə Sənayesi İdarəsinin rəhbəri Haluk Görgün və
İndoneziyanın müdafiə naziri Şafri Şamsuddin rəhbərlik edib.
Nigar
Rəhimova
18:23 26.07.2025
Oxunuş sayı: 8930
