Gürcüstan Ermənistandan gələn tranzit yüklərin bloklanmasını təkzib etdi
Gürcüstanın Maliyyə Nazirliyinin Gəlir Xidməti bildirib ki, ölkə ərazisindən keçən erməni tranzit yüklərinin guya bloklanması ilə bağlı yayılan məlumatlar həqiqətə uyğun deyil.
Crossmedia.az xarici mediaya istinadən bildirir ki, Gürcüstan rəsmiləri beynəlxalq daşımaların həcminin artmasına baxmayaraq, bütün gömrük və tranzit prosedurlarının normal rejimdə həyata keçirildiyini qeyd ediblər. Qurumun açıqlamasına görə, erməni KİV-lərinin bəhs etdiyi “müvəqqəti gecikmələr” artıq aradan qaldırılıb və hərəkət tam bərpa olunub.
Qeyd edək ki, bundan əvvəl erməni mətbuatı Gürcüstan ərazisindəki tranzit problemləri səbəbindən sıxılmış qazın qiymətində təxminən 40%-lik artım müşahidə olunduğunu bildirmişdi. Eyni zamanda, Ermənistan istehsalı olan konyakın Rusiyaya ixracında da problemlərin yarandığı xəbər verilmişdi.
19:12 17.07.2025
Oxunuş sayı: 775
