Rusiya hədələdi: Ukraynadakı çoxmillətli qüvvələr bizim üçün hərbi hədəfdir
Rusiya Xarici İşlər Nazirliyinin mətbuat xidmətinin rəhbəri Mariya Zaxarova bəyan edib ki, Ukraynada çoxmillətli “istəkli koalisiya” qüvvələrinin yaradılması ideyası Rusiyada xarici müdaxilə planı kimi qəbul olunur və bu qüvvələr qanuni hərbi hədəf hesab ediləcək.
Crossmedia.az xarici mediaya istinadən bildirir ki, Zaxarova bu barədə Rusiya Xarici İşlər Nazirliyində keçirilən brifinqdə danışıb. O, Böyük Britaniyanın baş nazirinin ofisi tərəfindən yayımlanan məlumata diqqət çəkib. Sənəddə qeyd olunurdu ki, Ukraynaya yardım məqsədilə yaradılacaq “istəkli koalisiya”nın qərargahı Parisdə yerləşəcək və generalın rəhbərliyi altında fəaliyyət göstərəcək. Bir il sonra isə qərargahın Londona köçürülməsi planlaşdırılır.
“Biz dəfələrlə bəyan etmişik ki, Ukrayna ərazisində istənilən xarici silahlı qüvvənin, istənilən bayraq altında yerləşdirilməsi qəbuledilməzdir. Bunu xarici müdaxiləyə hazırlıq kimi qiymətləndiririk. Belə çoxmillətli qüvvələr bizim üçün qanuni hərbi hədəf olacaq”, – deyə Mariya Zaxarova vurğulayıb.
19:02 17.07.2025
Oxunuş sayı: 1024
