Gündəm
Azərbaycanın səmimiyyəti onu arzuolunan tərəfdaş edir - AÇIQLAMA
Azərbaycanın İqtisadi Əməkdaşlıq Təşkilatı (ECO) çərçivəsində əməkdaşlıq ölkəmizin regional və beynəlxalq mövqeyini gücləndirən mühüm amildir. Bu əməkdaşlıq iqtisadi, ticari, mədəni və sosial sahələrdə geniş perspektivlər açır. ECO vasitəsilə Azərbaycanın tranzit potensialı artır, beynəlxalq nəqliyyat dəhlizlərinin inkişafı təmin edilir və ölkəmiz regional kommunikasiya mərkəzi kimi tanınır.
Enerji layihələrində fəallıq Azərbaycanın region ölkələrinə enerji təhlükəsizliyi təminatında mühüm tərəfdaş olmasını vurğulayır. ECO çərçivəsindəki ticarət əməkdaşlığı qarşılıqlı iqtisadi əlaqələri genişləndirərək Azərbaycanın ixrac imkanlarını artırır. Həmçinin, mədəni əməkdaşlıq ölkələrarası münasibətləri daha da gücləndirir və milli dəyərlərimizin təbliği üçün platforma yaradır.
Beləliklə, Azərbaycanın ECO daxilində fəal iştirakı ölkəmizin inkişafına, regional əlaqələrin möhkəmlənməsinə və beynəlxalq imicinin güclənməsinə xidmət edir.
Mövzu ilə bağlı Crossmedia.az-a açıqlama verən Milli Məclisin deputatı Aydın Mirzəzadə bildirib ki, Azərbaycan bir qayda olaraq, milli maraqları harada yüksək səviyyədə qorunursa, Azərbaycanın suverenliyinə hörmət edilirsə, o, beynəlxalq birlikdədir:
“Bu beynəlxalq birliyin fəaliyyətinə isə daim öz töhfəsini verir. Biz İqtisadi Əməkdaşlıq Təşkilatının üzvüyük. Həmin təşkilatın fəaliyyətində yaxından iştirak edirik. Həm ikitərəfli, həm də çoxtərəfli əməkdaşlığa önəm veririk və Azərbaycanla əməkdaşlıq digər ölkələr üçün də faydalıdır. Hesab edirəm ki, Azərbaycanın səmimiyyəti, götürdüyü öhdəliklərə sadiqliyi onu çox arzuolunan bir tərəfdaş edir və bizim xarici siyasətimiz, xarici iqtisadi əlaqələr siyasətimiz həmişə bu prinsiplərə söykənəcək”.
Nəzrin Salmanova
12:35 08.04.2025
Oxunuş sayı: 7805
