Paşinyanın növbəti uğursuzluğu - Baş nazir ABŞ-dən əliboş qayıtdı
Ermənistanın baş naziri Nikol Paşinyanın ABŞ-yə bir həftəlik səfəri zamanı heç bir yüksək rütbəli rəsmi şəxslə görüşə bilməməsi onun beynəlxalq nüfuzunun olmadığının göstəricisidir. Paşinyana bağlı qüvvələr bu səfəri uğur kimi təqdim etsə də, Ermənistan müxalifəti bunu ciddi siyasi uğursuzluq və biabırçılıq adlandırır. Bu hadisə Ermənistanın Qərb və Rusiya arasında qeyri-müəyyən xarici siyasət yürütməsinin nəticəsi kimi qiymətləndirilə bilər. Vaşinqtonun Paşinyana soyuq münasibəti Ermənistanın Qərbdən gözlədiyi dəstəyi ala bilmədiyini və regional siyasətdə daha da təcrid olunduğunu nümayiş etdirir.
Politoloq Əli Zülfüqaroğlu mövzu ilə bağlı Crossmedia.az-a açıqlama verib:
“ABŞ prezidenti Donald Trampın atdığı addımlar onu deməyə əsas verir ki, təkcə bənzər təşkilatlara deyil, eyni ideoloji mahiyyət daşıyan liderlərə bağlı da siyasəti sərt olacaq. Xüsusilə hakimiyyətə Soros xətti ilə gələn Fransa prezidenti Makron, Almaniya kansleri Şolts və Ermənistan baş naziri Nikol Paşinyan da bura daxildir. Trampın Paşinyana isti münasibət bəsləyəcəyini düşünmürəm. Ona görə də biz əminliklə söyləyə bilərik ki, Bayden administrasiyasından fərqli olaraq Tramp administrasiyası Ermənistanla bağlı ABŞ siyasətinə korrektələr edəcək. Paşinyan Bayden administrasiyası dönəmində Ermənistanla ABŞ arasında imzalanan strateji tərəfdaşlığa dair sazişin formal xarakter alacağını bilirdi və buna mane olmaq üçün ABŞ-yə səfər etdi. Əlbəttə o burda erməni lobbisinin Tramp administrasiyasında təmsil olunan şəxslərlə əlaqəsindən istifadə edərək bu istiqamətdə addımlar atmağa çalışdı. Amma görünür Tramp bu görüşü qəbul etmədi və beləliklə də Paşinyan sadəcə vitse-prezidentlə görüşdü. Tramp dönəmində ABŞ-nin Ermənistana dəstək verəcəyini və bunu dövlət siyasətində həyata keçirəcəyini düşünmürəm. Ona görə də Paşinyanın səfərinin uğursuz olduğunu deməyə kifayət qədər əsas var”.
Ayhan Ağarzayev
17:10 08.02.2025
Oxunuş sayı: 13057
