KTN: Ölkəmizdə meyvə ixracatının həcmi 23,5% artıb
Ölkəmizdə intensiv bağların sahəsinin genişlənməsi, ötən illərdə salınmış intensiv bağların bara düşməsi məhsul istehsalının və ixracının artmasında böyük rol oynayır. 2025-ci ilin ilk ayında Azərbaycandan xarici bazarlara meyvə ixracında ciddi artım qeydə alınıb.
Crossmedia.az xəbər verir ki, bu barədə Kənd Təsərrüfatı Nazirliyi (KTN) məlumat yayıb. Bildirilib ki, ötən ilin analoji dövrü ilə müqayisədə ölkəmizdə meyvə ixracatının həcmi 23,5%, dəyəri isə 22,8% artıb. Bu ilin yanvar ayında xarici bazarlara 44,710.1 milyon dollar dəyərində 43,261.3 ton müxtəlif meyvə məhsulları ixrac olunub. İlin ilk ayında ölkəmizdən xaricə ən çox şişburun xurma, alma, armud, heyva, nar, sitrus meyvələri ixrac olunub.
09:39 07.02.2025
Oxunuş sayı: 4631
