Azərbaycandan Ukraynaya növbəti humanitar yardım yola salınacaq
Sabah Azərbaycandan Ukraynaya humanitar yardımın növbəti partiyası yola salınacaq.
Humanitar yardım əsasən elektrik avadanlıqlardan ibarət olacaq.
Qeyd edək ki, ötən gün Prezident İlham Əliyevin müvafiq Sərəncamı ilə Ukraynaya humanitar yardım göstərilməsi məqsədilə Azərbaycan Respublikasında istehsal olunan elektrik avadanlığının satın alınması və göndərilməsi üçün Azərbaycan Respublikasının 2025-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Energetika Nazirliyinə 1 milyon ABŞ dollarının manat ekvivalentində vəsait ayrılıb.
Xatırladaq ki, Azərbaycan Respublikası humanizm prinsiplərinə söykənərək, ikitərəfli və çoxtərəfli əsasda dünyanın bir çox ölkəsinə humanitar yardımlar göstərir. Azərbaycan tərəfindən Ukraynaya humanitar yardım göstərilməsi davam etdirilib, indiyə qədər verilmiş humanitar, eləcə də bərpa və yenidənqurma məqsədli yardımların ümumi məbləği 70 milyon manata (təxminən 40 milyon ABŞ dollarından artıq) çatıb.
Eyni zamanda, həyata keçirilən humanitar yardım fəaliyyətləri çərçivəsində müharibədən zərər çəkmiş, ailə üzvlərini itirmiş ukraynalı uşaqlar tibbi və sosial-psixoloji reabilitasiya məqsədilə ölkəmizə gətirilib.(APA)
10:46 06.02.2025
Oxunuş sayı: 5046
