Azərbaycan 14 İran vətəndaşının ölkəyə girişini qadağan edib – SİYAHI
Azərbaycana qarşı çağırışlar səsləndirən və düşmənçiliyi təşviq edən 14 İran vətəndaşı arzuolunmaz şəxs elan edilib.
Crossmedia.az xəbər verir ki, həmin şəxslərin Azərbaycan ərazisinə girişi qadağan olunub.
Arzuolunmaz şəxs elan edilənlər arasında İran parlamentinin hazırkı və keçmiş deputatları, tanınmış din xadimləri, universitet müəllimləri, siyasi ekspertlər və media nümayəndələri var.
Siyahıya aşağıdakı şəxslər daxil edilib:
1. Ehsan Movəhhediyan – siyasi təhlilçi, Tehran Əllamə Təbatəbai Universitetinin müəllimi.
2. Əhməd Fərşbafiyan – Təbriz Universiteti nəzdində Qafqaz və Anadolu Araşdırmaları Mərkəzinin keçmiş rəhbəri.
3. Kamran Qəzənfəri – İran İslam Şurası Məclisinin deputatı.
4. Əlirza Beyqi – İran parlamentinin keçmiş deputatı, siyasi şərhçi.
5. Əbülfəzl Zöhrəvənd – İran parlamentinin deputatı.
6. Abbas Moqtədayi Xorasqani – İran parlamentinin deputatı.
7. Əlirza Səlimi – İran parlamentinin deputatı.
8. Hüseyn Şəriətmədari – “Keyhan” qəzetinin baş redaktoru.
9. Ayətullah Möhsün Əraki – İranın Ekspertlər Məclisinin və Məsləhət Şurasının üzvü.
10. Ayətullah Məhəmməd Cavad Fazil Lənkərani – Qum Elmi Hövzəsinin Müəllifləri və Müəllimləri Cəmiyyətinin üzvü, Əimmeyi-Əthar Fiqh Mərkəzinin rəhbəri.
11. Əbdül Hüseyn Xosrov Pənah – İran Ali Mədəni İnqilab Şurasının katibi.
12. Hüccətül-islam Qulamrza Kavaşi – Təbriz imam-cüməsinin ofisinin ictimaiyyətlə əlaqələr üzrə rəhbəri, İran Ali Rəhbərinin Şərqi Azərbaycan ostanındakı nümayəndəliyinin ictimaiyyətlə əlaqələr şöbəsinin müdiri.
13. Daryuş Səfərnejad – professor, siyasi ekspert.
14. Əhmədrza Musəvi – aktyor və teleaparıcı.
Məlumata əsasən, əsasən, bu şəxslər Azərbaycana qarşı çağırışlar səsləndirdiklərinə və düşmənçiliyi təşviq etdiklərinə görə arzuolunmaz şəxslər siyahısına salınıblar.(APA)
09:09 04.11.2026
Oxunuş sayı: 69
