“Bitcoin”in qiyməti ucuzlaşıb
Kriptovalyuta bazarında ucuzlaşma davam edir. Son 24 saat ərzində əsas rəqəmsal aktivlərin əksəriyyəti dəyər itirib, “Bitcoin”in qiyməti isə 76 min dollara düşüb.
Crossmedia.az xəbər verir ki, “CoinMarketCap” platformasının məlumatına əsasən, “Bitcoin” son sutkada 0,66% ucuzlaşaraq 76 097,94 ABŞ dollarına enib. Kriptovalyutanın qiyməti son 7 gündə 6,17%, son 30 gündə isə 11,81% azalıb.
“Ethereum” 0,18% ucuzlaşaraq 2 238,91 dollara, BNB 1,15% azalaraq 686,10 dollara düşüb. “Bitcoin Cash” 2,09% dəyər itirərək 268,11 dollara, “Bittensor” 0,83% geriləyərək 220,25 dollara, “Quant” isə 1,15% ucuzlaşaraq 188,28 dollara enib.
Bununla yanaşı, bəzi kriptovalyutalarda bahalaşma qeydə alınıb. “Zcash” 3,48% artaraq 1 172,42 dollara, “Monero” isə 3,09% yüksələrək 624,90 dollara çatıb.
Qızıl əsaslı kriptovalyutalarda da müsbət dinamika müşahidə olunub. “PAX Gold” (PAXG) 0,24% bahalaşaraq 3 937,72 dollara, “Tether Gold” (XAUT) isə 0,32% artaraq 3 927,47 dollara yüksəlib.
“CoinMarketCap 20” indeksi son 24 saatda 0,51% azalaraq 154,77 bənd təşkil edib. “Bitcoin”in bazar kapitallaşması 1,53 trln. dollara enib.
Analitiklər bildirirlər ki, kriptovalyuta bazarındakı zəif dinamika investorların riskli aktivlərə münasibətdə ehtiyatlı mövqe tutması və satış təzyiqinin davam etməsi ilə əlaqəli ola bilər. Bununla yanaşı, qızıl əsaslı rəqəmsal aktivlərin bahalaşması fonunda “Bitcoin” və digər əsas kriptovalyutaların ucuzlaşması bazarda fərqli istiqamətli qiymət dəyişikliklərinin müşahidə olunduğunu göstərir.
09:42 04.11.2026
Oxunuş sayı: 80
