Xarici xəbərlər
Ukrayna Vatikanı Rusiya ilə danışıqlar platforması kimi təklif edir
Ukrayna Vatikanın Rusiya ilə bağlı danışıqların keçirilməsi üçün platforma rolunu oynamağa hazır olduğunu açıqlayıb.
Crossmedia.az xəbər verir ki, bu barədə “Gazeta.ru” nəşri məlumat yayıb.
Ukraynanın Müqəddəs Taxt-Tacdakı səfiri Andrey Yuraş “Apostrophe” nəşrinə müsahibəsində bildirib ki, Vatikan danışıqlar üçün məkan təqdim etməyə və vasitəçilik rolunu oynamağa hazırdır.
Onun sözlərinə görə, danışıqlar həm Vatikanda, həm də başqa ərazilərdə keçirilə bilər. Səfir qeyd edib ki, Müqəddəs Taxt-Tacın dünyanın müxtəlif yerlərində diplomatik nümayəndəlikləri və digər məkanları mövcuddur.
Yuraş, həmçinin Rusiyanın hazırda Vatikanı danışıqlar məkanı kimi qəbul etmək istəmədiyini bildirib. O, bunun səbəblərindən biri kimi Vatikanın Avropa İttifaqına üzv ölkələrlə əhatə olunmasını göstərib.
16:11 28.10.2026
Oxunuş sayı: 78
