Krasnodarda iki neft zavodu hədəfdə: güclü yanğın başladı
Rusiyanın Krasnodar diyarının pilotsuz uçuş aparatları ilə kütləvi hücuma məruz qaldığı, əsas hədəflərin isə neft emalı zavodları olduğu bildirilir.
Crossmedia.az xəbər verir ki, Krasnodar diyarında baş verən hücum zamanı İlski və Afipski neft emalı zavodlarının hədəfə alındığı açıqlanıb.
Bildirilib ki, əsas zərbə İlski neft emalı zavoduna endirilib. Bir neçə zərbədən sonra müəssisənin ərazisində güclü yanğın başlayıb. Alovun zavodun ərazisinə yayıldığı, ərazidən isə böyük qara tüstü buludlarının yüksəldiyi qeyd olunub.
Hücum zamanı Afipski neft emalı zavodunda da zərbələrin qeydə alındığı bildirilib. Məlumata görə, obyektə hücum zamanı yeni reaktiv dronlardan da istifadə olunub.
Hadisə nəticəsində dəymiş ziyanın miqyası və mümkün itkilərlə bağlı əlavə məlumat verilməyib.
13:30 26.09.2026
Oxunuş sayı: 37
