Rusiya: Ermənistanın qazdan imtinası ölkə üçün daha ağrılı nəticələrə səbəb olacaq
Ermənistanın Rusiyadan qaz idxalından imtina etməsi ölkə üçün Almaniya və digər Avropa dövlətlərindən daha ağrılı nəticələrə səbəb ola bilər.
Crossmedia.az xəbər verir ki, Rusiya Təhlükəsizlik Şurasının mətbuat xidməti bu barədə məlumat yayıb.
Rusiya Təhlükəsizlik Şurası katibinin müavini Aleksey Şevtsov bunu Ermənistan Təhlükəsizlik Şurasının katibi Armen Qriqoryanın ölkənin qazı “mümkün olan hər yerdən” alacağı barədə açıqlamasına münasibət bildirərkən deyib.
Şevtsovun sözlərinə görə, Ermənistan üçün Rusiya qazından imtina Almaniya və digər Avropa ölkələri ilə müqayisədə daha ciddi nəticələr doğuracaq.
Rusiya Təhlükəsizlik Şurasında bildirilib ki, Rusiya qazı Ermənistan üçün digər ölkələrdən alınan qazla müqayisədə əhəmiyyətli dərəcədə daha ucuzdur.
Qeyd edək ki, Ermənistana Rusiyadan qaz tədarükü sentyabrın 15-dən 25-dək “Şimali Qafqaz–Zaqafqaz” magistral qaz kəmərində planlı təmir işləri ilə əlaqədar müvəqqəti dayandırılıb.
14:43 25.09.2026
Oxunuş sayı: 36
