Putin və Trampın nümayəndələri Nyu-Yorkda görüşdülər
Rusiya Prezidentinin xüsusi nümayəndəsi Kirill Dmitriyev ABŞ Prezidenti Donald Trampın xüsusi nümayəndələri Stiv Vitkoff və Cared Kuşnerlə Nyu-Yorkda görüşüb.
Crossmedia.az xəbər verir ki, CNN-in mənbələrə istinadən yaydığı məlumata görə, görüş sentyabrın 24-də baş tutub. Danışıqlarda Rusiya ilə ABŞ arasında əməkdaşlıq, eləcə də Rusiya-Ukrayna müharibəsinin diplomatik yolla həlli istiqamətində səylər müzakirə olunub.
Məlumata görə, Dmitriyevin Nyu-Yorka səfərinin məqsədlərindən biri Moskva ilə Vaşinqton arasında dialoqu və Ukrayna ilə bağlı sülh təşəbbüslərini davam etdirmək olub. Görüş Rusiya Prezidenti Vladimir Putinin Vitkoff və Kuşnerlə sentyabrın əvvəlində Moskvada keçirdiyi danışıqlardan sonra baş tutub.
Bundan əvvəl Vitkoff və Kuşner Kiyevdə Ukrayna rəhbərliyi ilə də danışıqlar aparmışdılar. Ukrayna Prezidenti Volodimir Zelenski sülh prosesinin ölkəsi üçün əsas prioritet olduğunu bildirmişdi.
14:12 25.09.2026
Oxunuş sayı: 42
