Azərbaycanın Bolqarıstana neft satışında kəskin artım qeydə alınıb
Azərbaycanın Bolqarıstana neft ixracının həcmi 4,5 dəfə artıb.
Crossmedia.az xəbər verir ki,Azərbaycan Dövlət Gömrük Komitəsinin açıqladığı xarici ticarətin gömrük statistikasına əsasən, cari ilin yanvar-avqust aylarında Azərbaycandan Bolqarıstana 358,8 min ton həcmində bitumlu süxurlardan alınmış neft və neft məhsulları ixrac edilib. İxracın dəyəri 253,1 milyon ABŞ dolları təşkil edib.
Bu göstərici dəyər ifadəsində 2025-ci ilin eyni dövrü ilə müqayisədə 204,9 milyon ABŞ dolları və ya 5,3 dəfə, həcm ifadəsində isə 279,5 min ton və ya 4,5 dəfə çoxdur. Hesabat dövründə Bolqarıstan Azərbaycan neftini idxal edən ölkələr arasında üçüncü yeri tutub.
Qeyd olunub ki, ötən ilin yanvar-avqust aylarında Azərbaycandan Bolqarıstana 48,2 milyon ABŞ dolları dəyərində 79,3 min ton bitumlu süxurlardan alınmış neft və neft məhsulları ixrac edilib.
Qeyd edək ki, Dövlət Gömrük Komitəsinin məlumatına əsasən, 2024-2025-ci illərdə Azərbaycandan Bolqarıstana bitumlu süxurlardan alınmış neft və neft məhsullarının ixracının həcmi aşağıdakı kimi dəyişib:
İl | İxrac həcmi | İxrac dəyəri |
2024 | 80,9 min ton | 46 mln. dollar |
2025 | 169,5 min ton | 92,3 mln.dollar |
Azərbaycanın Bolqarıstana neft ixracı 2024-2025-ci illərdə həm fiziki həcm, həm də dəyər ifadəsində əhəmiyyətli artım nümayiş etdirib. Tədarükün həcmi 2024-cü ildəki 80,9 min tondan 2025-ci ildə 169,5 min tona yüksəlib ki, bu da iki dəfədən çox artım deməkdir.
İxracın dəyəri də demək olar ki, iki dəfə artaraq 46 milyon ABŞ dollarından 92,3 milyon ABŞ dollarına çatıb. Beləliklə, göstərici iki dəfədən çox artıb.
18:49 24.09.2026
Oxunuş sayı: 36
