NATO Rusiyaya qarşı fərqli imkanlardan istifadə edəcək
NATO-nun baş katibi Mark Rutte alyansın Rusiya ilə mümkün müharibə vəziyyətində Moskvaya mövqeyini çatdırmaq üçün Ukraynadan daha geniş imkanlara malik olduğunu bildirib.
Crossmedia.az xəbər verir ki, bu barədə “Clash report” məlumat yayıb.
Rutte NATO ilə Rusiya arasında müharibə baş verəcəyi təqdirdə alyansın öz mövqeyini Rusiyaya çatdırmaq üçün Ukraynanın hazırda malik olduğundan daha çox vasitəyə sahib olacağını deyib.
NATO baş katibi daha əvvəl Rusiyanın alyansa qalib gəlmək istədiyini, lakin NATO-nun vahid olduğunu bildirib. Onun sözlərinə görə, Moskva alyansın Ukraynaya yardım göstərməsinə mane olmağa çalışır, NATO isə Kiyevə dəstəyini davam etdirəcək.
Rusiya Xarici İşlər Nazirliyinin sözçüsü Mariya Zaxarova isə Rutte-nin Rusiyanın NATO-ya qarşı planları barədə açıqlamalarını tənqid edib. O, Moskvanın daha əvvəl Avropa ilə yaxınlaşmağa çalışdığını və Lissabondan Vladivostoka qədər vahid məkan yaradılması ideyasını irəli sürdüyünü xatırladıb.
Rusiya Prezidenti Vladimir Putin də Avropa siyasətçilərinin Moskvanın Avropa ölkələri ilə müharibəyə hazırlaşdığı barədə açıqlamalarını rədd edib. O, Rusiyanın Avropa ölkələrinə qarşı heç vaxt aqressiv niyyətlərinin olmadığını bildirib.
18:36 24.09.2026
Oxunuş sayı: 37
