Aİ-nin Rusiya seçkiləri qərarına Krımdan sərt cavab
Krım parlamentinin rəhbəri Vladimir Konstantinov Avropa İttifaqının Rusiyada keçirilən Dövlət Dumasına seçkilərin nəticələrini tanımamaq qərarını və mümkün yeni sanksiyaları şərh edib.
Crossmedia.az xəbər verir ki, bu barədə “Lenta.ru” məlumat yayıb.
Konstantinov Aİ-nin Krımda, eləcə də Donetsk, Luqansk, Zaporojye və Xerson vilayətlərində keçirilən seçkiləri tanımamaq mövqeyinin gözlənilməz olmadığını bildirib. O, Aİ-nin mümkün yeni məhdudiyyətlərinin Rusiyanın mövqeyinə təsir etməyəcəyini iddia edib.
Aİ isə sentyabrın 21-də açıqladığı rəsmi bəyanatda Rusiyanın 18-20 sentyabr tarixlərində keçirdiyi Dövlət Dumasına seçkiləri, xüsusilə Ukraynanın müvəqqəti işğal olunmuş ərazilərində təşkil edilən səsverməni tanımadığını bildirib. Aİ həmin ərazilərdə seçkilərin təşkilində və keçirilməsində iştirak edən şəxslərə qarşı sanksiyalar tətbiq ediləcəyini də açıqlayıb.
Konstantinov isə Aİ-nin mövqeyinə baxmayaraq, Rusiya tərəfindən öz ərazisi kimi qəbul edilən yeni regionlarla bağlı proseslərin davam edəcəyini bildirib. O, həmçinin yeni sanksiya paketinin hazırlanmasında süni intellektdən istifadə oluna biləcəyini ehtimal edib.
Qeyd edək ki, Aİ-nin rəsmi mövqeyinə əsasən, Krım və Sevastopolun, eləcə də Donetsk, Luqansk, Zaporojye və Xerson vilayətlərinin Rusiyaya birləşdirilməsini tanımır.
18:26 24.09.2026
Oxunuş sayı: 33
