Xarici xəbərlər

Fransız ədəbiyyatında süni intellekt iddiası gündəm oldu

Fransız ədəbiyyatında süni intellekt iddiası ətrafında qalmaqal yaranıb.

Crossmedia.az xəbər verir ki, bu barədə “Libération” nəşri məlumat yayıb.

Kanada-Haiti əsilli yazıçı Thélyson Orélienin ilk romanı “C'était ça ou mourir” (“Ya bu, ya da ölmək”) süni intellektlə yazılmaqda ittiham olunub. 38 yaşlı müəllif ədəbiyyat mövsümünün ilk mükafatlarından olan “Prix du Roman Fnac” mükafatına layiq görülüb və eyni zamanda fransızdilli ədəbiyyatın nüfuzlu “Goncourt” və “Renaudot” mükafatlarının finalçıları sırasındadır.

“Balance ton Claude” adlı qrup romanın demək olar ki, tamamilə süni intellekt tərəfindən hazırlandığını iddia edib. Qrup müxtəlif hissələrdən götürülmüş parçaların yoxlanıldığını və “Pangram” adlı proqramın onların 100 faiz süni intellekt tərəfindən yaradıldığını göstərdiyini bildirib.

Qrupun özü və üzvlərinin sayı barədə ətraflı məlumat yoxdur. Onlar “Pangram” proqramını süni intellekt mətnlərini müəyyənləşdirmək üçün ən dəqiq vasitələrdən biri kimi təqdim ediblər.

Orélien isə ittihamları dərhal rədd edib. O bildirib ki, ədəbiyyatı və yaradıcılığı həmişə sevib və kitabını yazmaq üçün süni intellektdən istifadə etməsi üçün heç bir səbəb görmür.

Yazıçı nəşriyyatı ilə birlikdə əsəri həqiqətən özü yazdığını sübut edən materiallar hazırladığını da açıqlayıb.

Mövzular:

Fransız ədəbiyyatı süni intellekt Kanada Pangram

🖨 Çap et

05:30 24.09.2026

Oxunuş sayı: 50