Xarici xəbərlər

ABŞ və Ukrayna Patriot sistemlərinin Ukraynada istehsalını müzakirə edəcək

ABŞ və Ukrayna Patriot hava hücumundan müdafiə sistemlərinin Ukrayna ərazisində istehsalının mümkünlüyünü müzakirə edəcək.

Crossmedia.az xəbər verir ki, ABŞ Prezidenti Donald Tramp bunu Ukrayna Prezidenti Volodimir Zelenski ilə görüşü zamanı bildirib. “TASS” bu barədə məlumat yayıb.

Tramp Patriot sistemlərinin Ukraynada istehsalı məsələsinin müzakirə ediləcəyini təsdiqləyib. Bu məsələ Ukraynanın hava hücumundan müdafiə imkanlarının gücləndirilməsi ilə bağlı danışıqların əsas mövzularından biri kimi gündəmə gəlib.

Bundan əvvəl Tramp Ukraynaya Patriot raketlərinin istehsalı üçün lisenziya verilə biləcəyini açıqlamışdı. İyul ayında “Reuters” Trampın Ukraynaya Patriot raketlərinin istehsalı üçün lisenziya veriləcəyini bildirdiyini yazmışdı.

ABŞ dövlət katibi Marko Rubionun əvvəlki açıqlamasına görə, Vaşinqtonun lisenziya verməsi halında belə Ukraynada Patriot sistemlərinin istehsalı üçün zavodların qurulması bir neçə il çəkə bilər.

Mövzular:

ABŞ Ukrayna Marko Rubion hava hücumu Volodimir Zelenski Donald Tramp

🖨 Çap et

22:26 22.09.2026

Oxunuş sayı: 49