Xarici xəbərlər

İtaliyada məktəblərlə bağlı yeni qanun tətbiq olunacaq

İtaliya hökuməti məktəblərdə burka və niqabın qadağan olunmasını, həmçinin xarici şagirdlərin siniflərdə sayına məhdudiyyət qoyulmasını nəzərdə tutan tədbirlər hazırlayır.

Crossmedia.az xəbər verir ki, İtaliyanın Baş naziri Corcia Meloni bu barədə “İtaliya Qardaşları” partiyasının gənclər təşkilatının tədbirində açıqlama verib.

Təklifə əsasən, məktəblərdə xarici şagirdlərin sayına limit tətbiq ediləcək. Həmçinin məktəbə uyğunlaşmaqda ciddi çətinlik çəkən xarici şagirdlərin valideynlərinin italyan dili öyrənməsi məcburi olacaq.

Meloninin açıqladığı tədbirin hələ qanuna çevrilmədiyi və bunun üçün parlamentin təsdiqinin tələb olunduğu bildirilir.

Mövzular:

İtaliya İtaliya Qardaşları parlament İtaliyanın Baş naziri Corcia Meloni

🖨 Çap et

19:48 21.09.2026

Oxunuş sayı: 49