Kiyev vilayətində hücumdan sonra anbarlarda yanğın baş verib
Kiyev vilayətinin Boyarka şəhəri yaxınlığında baş verən hücumdan sonra anbarlarda yanğın qeydə alınıb.
Crossmedia.az xəbər verir ki, “Strana.ua” bu barədə məlumat yayıb.
Məlumata görə, Boyarka ərazisindəki anbarlara zərbə endirilib və nəticədə yanğın baş verib. Ukrayna mənbələri obyektin sənaye müəssisəsinə aid olduğunu bildirir.
Bu, Kiyev vilayətində gün ərzində anbarlarda qeydə alınan ikinci yanğın olub. Gün ərzində vilayətin digər ərazilərində də hücumlar nəticəsində anbar və müəssisə binalarında yanğınlar baş verdiyi bildirilib.
Kiyev vilayətinin Fasti̇v rayonunda sənaye müəssisəsinin anbarının, həmçinin Novoselki kəndində özəl müəssisənin zərər gördüyü barədə yerli hakimiyyət də məlumat yayıb.
Rusiya Müdafiə Nazirliyi isə Boyarkadakı “Fire Point” şirkətinə məxsus anbarın vurulduğunu bildirib və orada uzaqmənzilli pilotsuz uçuş aparatları üçün komponentlərin saxlanıldığını iddia edib. Bu məlumat Rusiya tərəfinin açıqlamasına əsaslanır.
Hadisə nəticəsində anbarların və digər obyektlərin zərər gördüyü bildirilir. Hücumun bütün nəticələri ilə bağlı məlumatlar dəqiqləşdirilir.
03:43 21.09.2026
Oxunuş sayı: 53
