Moskva hücumunun səbəbləri ilə bağlı yeni açıqlama verilib
Hərbi müxbir Aleksandr Kots Ukrayna Silahlı Qüvvələrinin Moskvaya kütləvi PUA hücumunun mümkün səbəblərini açıqlayıb.
Crossmedia.az xəbər verir ki, Kotsun fikirləri “KP.RU”da dərc olunub.
Kotsun sözlərinə görə, hücumun məqsədlərindən biri Rusiyada keçirilən seçkiləri pozmağa cəhd göstərmək ola bilər. O bildirib ki, Kiyev bununla həm seçkilərin keçirildiyi gün Rusiyanın paytaxtına zərbə endirmək imkanını nümayiş etdirmək, həm də Rusiyanın mümkün cavab tədbirləri fonunda Ukraynada seçkilərin keçirilməsinin mümkünsüzlüyünü əsaslandırmaq istəyir.
Hərbi müxbir digər səbəb kimi Kiyevin Qərbdən əlavə maliyyə dəstəyi almaq istəyini göstərib. Kots həmçinin bildirib ki, Moskva istiqamətində PUA hücumları Rusiya paytaxtının hava hücumundan müdafiə sistemində zəif nöqtələrin müəyyənləşdirilməsi məqsədi daşıya bilər.
Moskva meri Sergey Sobyanin isə əvvəlki açıqlamasında şəhərə yaxınlaşan 1600-dən çox PUA-nın hava hücumundan müdafiə sistemləri tərəfindən vurulduğunu bildirib. Onun sözlərinə görə, Moskva neft emalı zavodunun ərazisindəki obyektlərdən biri də zərər görüb.
19:13 20.09.2026
Oxunuş sayı: 46
