Xarici xəbərlər
Trampın sərvəti seçkidən sonra $2,7 milyard artıb
ABŞ Prezidenti Donald Trampın sərvəti 2024-cü il prezident seçkisində qələbəsindən sonra təxminən 2,7 milyard dollar artaraq 7 milyard dollara çatıb.
Crossmedia.az xəbər verir ki, KİV bu barədə məlumat yayıb.
Nəşrin 2026-cı ilin sentyabrında yenilədiyi hesablamaya görə, Trampın sərvəti hazırda təxminən 7 milyard dollar qiymətləndirilir. Bu göstərici onun 2024-cü il seçkisində qalib gəldiyi dövrdəki 4,3 milyard dollarlıq sərvətindən 2,7 milyard dollar çoxdur.
KİV yazır ki, sərvət artımının əsas mənbələri Trampın kriptovalyuta layihələri və xaricdəki biznes sövdələşmələri olub. Nəşrin hesablamasına əsasən, Trampın kriptovalyuta və likvid aktivlərinin ümumi dəyəri 2,4 milyard dollar təşkil edir.
Bu məbləğin 1,9 milyard dollarını likvid aktivlər, 183 milyon dollarını memecoinlər, 78 milyon dollarını World Liberty Financial tokenləri, 233 milyon dollarını isə USD1 stabilkoin biznesi təşkil edir.
KİV-in məlumatına görə, Trampın xaricdəki biznes fəaliyyətləri də sərvətinin artmasına təsir göstərib. Nəşr onun 2024-cü il seçkisindən sonra kriptovalyuta layihələri və xarici sövdələşmələr hesabına sərvətini əhəmiyyətli dərəcədə artırdığını qeyd edir.
KİV-in 2025-ci ilin sentyabrında açıqladığı əvvəlki hesablamada isə Trampın sərvəti 7,3 milyard dollar göstərilmiş və onun 2024-cü illə müqayisədə təxminən 3 milyard dollar varlandığı bildirilmişdi.
14:14 16.09.2026
Oxunuş sayı: 55
