Xarici xəbərlər

ABŞ 52 milyon dolları Avropadan Latın Amerikasına yönəldir

ABŞ Prezidenti Donald Trampın administrasiyası xarici hərbi proqramlar üçün nəzərdə tutulan 52 milyon dolların başqa ölkələrə yönləndirilməsinə qərar verib.

Crossmedia.az xəbər verir ki, Associated Press-in məlumatına görə, Slovakiya, Şimali Makedoniya, Tunis və İraq üçün ayrılmış vəsait Panama, Peru, Ekvador və Kolumbiyadakı layihələrin maliyyələşdirilməsinə yönəldiləcək. ABŞ Dövlət Departamenti bununla bağlı Konqresi məlumatlandırıb.

Vəsaitlərin yenidən bölüşdürülməsi Vaşinqtonun xarici və hərbi siyasətdə prioritetlərini dəyişməsi ilə əlaqələndirilir. Tramp administrasiyası xüsusilə narkotiklərin qanunsuz dövriyyəsi və qeyri-qanuni miqrasiya ilə mübarizəyə diqqəti artırır.

Bununla belə, Tunis, İraq, Şimali Makedoniya və Slovakiyaya xarici hərbi maliyyələşmənin tamamilə dayandırılması nəzərdə tutulmur. Bu ölkələr üçün ayrılan vəsaitin dəqiq məbləği isə açıqlanmayıb.

Mövzular:

ABŞ ABŞ Prezidenti Donald Tramp Slovakiya ABŞ Dövlət Departamenti 52 milyon dollar Şimali Makedoniya

🖨 Çap et

22:41 15.09.2026

Oxunuş sayı: 50