ABŞ-də 245 milyon dollarlıq COVID fırıldağı
ABŞ-də koronavirus pandemiyası dövründə verilən kreditlərlə bağlı dələduzluq hallarına görə 80-dən çox şəxs barəsində cinayət təqibi başladılıb. Bu işlər üzrə dövlətə dəymiş və ya dəyməsi nəzərdə tutulan zərərin ümumi məbləğinin 245 milyon dolları keçdiyi bildirilir.
Crossmedia.az xəbər verir ki, ABŞ Baş prokurorunun müavini Todd Blanş pandemiya dövründə kiçik bizneslərə ayrılan maliyyə proqramları ilə bağlı aparılan araşdırmaların nəticələrini açıqlayıb.
ABŞ Ədliyyə Nazirliyinin məlumatına görə, istintaq tədbirləri çərçivəsində müxtəlif ştatlarda COVID-19 pandemiyası zamanı verilmiş yardım və kredit proqramlarından saxta yollarla istifadə edilməsi ilə bağlı çoxsaylı hallar araşdırılıb.
ABŞ-də pandemiya dövründə əsasən kiçik biznesləri dəstəkləmək məqsədilə Paycheck Protection Program və Economic Injury Disaster Loan kimi proqramlar vasitəsilə yüz milyardlarla dollar vəsait ayrılmışdı. Bu proqramların dələduzluq hallarına qarşı araşdırılması davam edir.
Ədliyyə Nazirliyinin son əməliyyatında 160-dan çox şəxs barəsində tədbir görüldüyü, təxminən 245 milyon dollarlıq mümkün zərərin müəyyənləşdirildiyi də açıqlanıb.
10:43 15.09.2026
Oxunuş sayı: 54
