Qroznıda tarixi an: Kadırov Musa peyğəmbərin əsası hesab edilən əmanətə toxundu
Çeçenistanın rəhbəri Ramzan Kadırov Musa peyğəmbərin əsasının bir hissəsinin Qroznıya gətirildiyini bildirib.
Crossmedia.az xəbər verir ki, Kadırov bu barədə Telegram kanalında məlumat yayıb.
Onun sözlərinə görə, əmanətin Qroznıya gətirilməsi ilə bağlı paylaşımında Çeçenistan Respublikasında İslamın inkişaf etdiyini qeyd edib. O, məscid və mədrəsələrin tikildiyini, İslam mərkəzlərinin fəaliyyət göstərdiyini və minlərlə gəncin Quranı və dini elmləri öyrəndiyini bildirib.
Kadırov həmçinin Rusiya Prezidenti Vladimir Putinin İslama və dini ənənələrə hörmətlə yanaşdığını vurğulayıb.
O, Putinin Çeçenistandakı məscidləri ziyarət etdiyini və çeçen xalqına daim xeyir arzuladığını bildirib. Kadırov bu münasibətin qiymətləndirilməli və qorunmalı olduğunu qeyd edib.
09:54 15.09.2026
Oxunuş sayı: 47
