Xarici xəbərlər

Ukrayna PUA-sının vurduğu Rusiya tankerinin kapitanı itkin düşüb

Ukrayna Silahlı Qüvvələrinin Qara dənizdə hücum etdiyi Rusiya məhsul-kimya tankerinin kapitanı Oleq Vıqonnının xilas qayığı ilə gəmidən uzaqlaşa biləcəyi ehtimal olunur.

Crossmedia.az xəbər verir ki, bu barədə “Shot” məlumat yayıb. “Armada Lider” tankerinin PUA hücumuna məruz qalmasından sonra ekipaj təxliyə edilib, lakin kapitan gəmidə qalıb. Onu sonradan bir daha görən olmayıb.

Kapitanın həyat yoldaşının sözlərinə görə, Vıqonnın təxliyəni idarə edib, daha sonra gəmi körpüsünə daxil olub və ardınca həmin hissəyə PUA düşüb. İki gündür ondan xəbər yoxdur. Yaxınları isə gəmidəki xilas qayığının da itkin düşməsini əsas gətirərək kapitanın sağ qalacağına ümid edirlər.

Mövzular:

məhsul-kimya tankeri Ukrayna Ukrayna Silahlı Qüvvələri Qara dəniz PUA Oleq Vıqonn Rusiya

🖨 Çap et

19:40 14.09.2026

Oxunuş sayı: 45