Uzun müddət oturmaq bu riski artırır - SƏN DEMƏ...
Uzun müddət hərəkətsiz vəziyyətdə oturmaq ciddi tromboz riskinə səbəb ola bilər. Bu təhlükə xüsusilə uzun saatlar kompüter qarşısında oturan kiberidmançılar üçün aktualdır.
Crossmedia.az xəbər verir ki, “Lenta.ru” bu barədə fundamental tibb fənləri kafedrasının professoru, tibb elmləri doktoru Dmitri Berezovskinin açıqlamasına istinadən məlumat yayıb.
Mütəxəssisin sözlərinə görə, qədim dövrlərdə güclü qan laxtalanması mexanizmi xəsarət zamanı qanaxmanı tez dayandırmağa imkan verdiyi üçün insanın sağ qalmasına kömək edib. Lakin müasir həyat tərzi ilə bu xüsusiyyət müəyyən hallarda təhlükəli nəticələrə səbəb ola bilər.
Həkim bildirib ki, insan uzun müddət hərəkətsiz qaldıqda damarlar sıxılır və venalarda qan axını yavaşlayır. Bu isə trombların yaranması üçün əlverişli şərait formalaşdırır.
Berezovski bunu uzunmüddətli uçuşlar zamanı yaranan “səyahətçi trombozu” ilə müqayisə edib. Onun sözlərinə görə, insan təyyarədə 7-8 saat ərzində demək olar ki, hərəkətsiz oturarsa, aşağı ətraflarda tromboz riski əhəmiyyətli dərəcədə artır.
Həkim qeyd edib ki, yaranan tromb qoparaq ürəyə, daha sonra isə ağciyər damarlarına keçə bilər. Bu vəziyyət ağır fəsadlara, hətta ölümə səbəb ola bilər.
Onun sözlərinə görə, uzun müddət hərəkətsiz qalmaqla bağlı oxşar hallar yalnız səyahətçilər arasında deyil, hərbi qulluqçularda və dini ayinlər zamanı uzun müddət eyni vəziyyətdə qalmağa məcbur olan insanlarda da müşahidə edilib.
00:34 14.09.2026
Oxunuş sayı: 48
