CROSSMEDIA - Analitik İnformasiya Portalı

Axtarılan söz: militarist

17:52 17.09.2026

Oliver Stone ABŞ-nin militarist siyasətini tənqid edib

195

ABŞ-li rejissor Oliver Stone ölkəsinin müharibəyə meylli siyasətini tənqid edərək, daha böyük münaqişə riskinin artdığı barədə xəbərdarlıq edib. Crossmedia.az xəbər verir ki, İtaliyanın “La Repubblica” nəşri bu barədə məlumat yayıb. Oskar mükafatlı rejissor bu fikirləri Romadakı Casa del Cinema-da 1989-cu ildə çəkdiyi “İyulun dördündə doğulmuş” filminin nümayişi zamanı səsləndirib. Stone Vyetnam müharibəsi və ABŞ-nin sonrakı hərbi müdaxilələri barədə danışıb. Stone bildirib ki, ABŞ-də müharibəyə qarşı güclü meyl formalaşıb və bunun ölkəyə ciddi zərər vurduğunu düşünür. Onun sözlərinə görə, əvvəlki münaqişələrdən əldə olunan dərslər nəzərə alınmayıb. Rejissor qeyd edib ki, 1989-cu ildən sonra ABŞ “daha militarist yola” qədəm qoyub. Oliver Stone Vyetnam müharibəsi veteranıdır. O, “Tağım”, “Con Kennedi: Dallasda güllələnmə” və “İyulun dördündə doğulmuş” filmləri ilə tanınır. Stone əvvəlki müharibələrin nəticələrinin xatırlanmasının vacibliyini vurğulayaraq, əks halda daha böyük və ağır müharibənin baş verə biləcəyindən və bunun daha çox ağrıya səbəb olacağından narahatlığını ifadə edib.