Rusiya XİN başçısının müavini Azərbaycan səfirliyində təyyarə qəzasında həlak olanların xatirəsini yad edib
Rusiyanın xarici işlər nazirinin müavini Mixail Qaluzin Azərbaycanın Moskvadakı səfirliyini ziyarət edərək "Azərbaycan Hava Yolları" aviaşirkətinə məxsus təyyarənin Qazaxıstanın Aktau şəhəri yaxınlığında qəzaya uğraması nəticəsində həlak olanların xatirəsini yad edib.
Səfirlikdə Qaluzini Azərbaycanın Rusiyadakı səfiri Rəhman Mustafayev qarşılayıb.
Rusiyalı diplomat xatirə kitabında ürək sözlərini yazıb.
Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb.(Report)
13:13 27.12.2024
Oxunuş sayı: 5649
