Rusiyanın Azərbaycan təyyarəsi ilə bağlı uzun müddət susmasının səbəbləri
Rusiyanın Azərbaycan təyyarəsi məsələsində uzun müddət mövqe bildirməməsini həm ümumi çaşqınlıq hissi ilə, həm də mərkəzlə Çeçenistan arasındakı münasibətlərin özünəməxsusluğu ilə izah etmək olar.
Crossmedia.az bildirir ki, mövzu ilə bağlı Aleksey Naumov çıxış edib.
O bildirib ki, məsələni araşdırmaq, mövqeləri uyğunlaşdırmaq və razılaşdırmaq prosesi tələb olunur. Rusiyanın qərar qəbul etmə sistemi böyük, mürəkkəb və bəzən yavaş hərəkətlidir.
Ekspertin sözlərinə görə, Azərbaycan ordusunun səhvən açdığı atəş nəticəsində rus sülhməramlılarının həlak olması zamanı isə üzrxahlıq, izahat və kompensasiya dərhal təqdim edilmişdi. Bu, Azərbaycanın prezidentin hər bir detala diqqət ayırdığı və qərar qəbul etmə prosesinin çevik olduğu kompakt idarəetmə sisteminin üstünlüyüdür. Lakin Rusiya belə operativlik üçün çox böyükdür və onun rəhbərinin gündə qat-qat çox vəzifələri həll etməli olduğu düşünülür.
“Hər halda ümid edilir ki, vəziyyət aydınlaşdırılacaq və keçmişdə olduğu kimi həll olunacaq. Moskva susduğu halda, digərləri danışır və onların səsləri eşidilir.”- deyə sonda o bildirib.
Gültac Mehdizadə
08:23 27.12.2024
Oxunuş sayı: 3805
