İsveçrənin Federal Xarici İşlər Departamentinin rəhbəri Şəhidlər xiyabanını ziyarət edib
Azərbaycanda rəsmi səfərdə olan İsveçrə Konfederasiyasının Federal Şurasının üzvü və Federal Xarici İşlər Departamentinin rəhbəri, ATƏT-in fəaliyyətdə olan sədri İqnasio Kassis Şəhidlər xiyabanını ziyarət edib.
Crossmedia.az xəbər verir ki, o Azərbaycanın müstəqilliyi və ərazi bütövlüyü uğrunda mübarizədə canlarından keçərək şəhid olan qəhrəman Vətən övladlarının xatirəsinə ehtiramını bildirib, "Əbədi məşəl" abidəsinin önünə əklil qoyub.
Sonra Azərbaycan paytaxtının mənzərəsini seyr edən İsveçrənin Federal Xarici İşlər Departamentinin rəhbərinə Şəhidlər xiyabanının tarixi, bu məkanın Azərbaycan xalqının yaddaşında tutduğu xüsusi yer və paytaxtda görülən abadlıq-quruculuq işləri barədə məlumat verilib.
12:15 04.08.2026
Oxunuş sayı: 43
