Rubinyan: Azərbaycan-Ermənistan normallaşma prosesi Türkiyə-Ermənistan münasibətlərini qabaqlayıb
Ermənistan parlamentinin sədri vəzifəsinə hakim “Vətəndaş Müqaviləsi” fraksiyasından namizəd Ruben Rubinyan Azərbaycan-Ermənistan münasibətlərinin normallaşdırılması prosesinin Türkiyə-Ermənistan münasibətlərindən daha irəli mərhələdə olduğunu bildirib.
Crossmedia.az xarici KİV-ə istinadən xəbər verir.
Parlamentin ilk iclasında çıxış edən Rubinyanın sözlərinə görə, Azərbaycan Ermənistana dəmir yolu tranzitinə qoyulan qadağanı Türkiyədən daha əvvəl aradan qaldırıb. O, həmçinin İrəvanla Bakı arasında neft məhsulları üzrə birbaşa ticarətin həyata keçirildiyini qeyd edib.
Rubinyan bildirib ki, artıq Türkiyənin də Ermənistanla münasibətlərin normallaşdırılması istiqamətində daha fəal addımlar atmasının vaxtı çatıb. Onun sözlərinə görə, Ankara ilə İrəvan arasında diplomatik münasibətlərin hətta sabah qurulmasına və sərhədlərin açılmasına heç bir maneə yoxdur.
O əlavə edib ki, normallaşma prosesi Ermənistanın istədiyi sürətlə getməsə də, bu, zaman məsələsidir.
12:59 02.08.2026
Oxunuş sayı: 69
