Ermənistan millisinin məşqçisi: Bakı haqqında fikirlərim çox müsbətdir
Ermənistanın U-17 yığmasının baş məşqçisi Qaqik Xaçatryan Bakıda keçirilən güləş üzrə dünya çempionatının təşkilatçılığını yüksək qiymətləndirib.
Crossmedia.az xəbər verir ki, bu barədə o, jurnalistlərə açıqlamasında bildirib.
“Mənim Bakı haqqında fikirlərim çox müsbətdir. Təşkilatçılıq çox yüksək səviyyədədir. Uzun illərdir məşqçi kimi çalışıram və bizi hər yerdə belə qarşılamayıblar. Burada koordinasiya, yarışların təşkili və ümumi iş prosesi mükəmməl qurulub. Hər şey yüksək səviyyədə təşkil edilib”, – deyə Xaçatryan bildirib.
O qeyd edib ki, 20 yaşında olarkən də Bakıda olub və həmin vaxt güləşçi kimi yarışlarda iştirak edib.
“Amma o dövrlə indiki Bakı tamamilə fərqlidir. Şəhər xeyli inkişaf edib. Gözəl yollar salınıb, böyük bağlar və parklar yaradılıb. Bakı mənim çox xoşuma gəldi”, – deyə Ermənistan millisinin baş məşqçisi əlavə edib.
09:30 29.07.2026
Oxunuş sayı: 43
