Neft-qaz

Azərbaycanda bu ilin 6 ayında 25 milyard kubmetrdən çox təbii qaz hasil olunub

2026-cı ilin yanvar-iyun aylarında ölkədə 25,4 milyard kubmetr təbii qaz hasil edilib.

Bu barədə Crossmedia.az-a Energetika Nazirliyindən məlumat verilib.

Bildirilib ki, hasil edilmiş qazın 7,3 milyard kubmetri "Azəri-Çıraq-Günəşli"nin, 13,7 milyard kubmetri "Şahdəniz"in, 0,8 milyard kubmetri "Abşeron" yatağının, 3,6 milyard kubmetri isə SOCAR-ın payına düşüb.

Bu dövrdə xaricə qaz ixracı 12,7 milyard kubmetr təşkil edib. Bunun 5,9 milyard kubmetri Avropanın, 4,9 milyard kubmetri Türkiyənin (o cümlədən TANAP-la 3 milyard kubmetr), 1,2 milyard kubmetri Gürcüstanın, 0,7 milyard kubmetri isə Suriyayanın payına düşüb.

"Azəri-Çıraq-Günəşli" və "Şahdəniz" yataqları istismara veriləndən cari ilin 1 iyul tarixinədək 679,8 milyon tona yaxın neft (qaz kondensatı ilə birlikdə), 529,6 milyard kubmetr qaz hasil edilib. "Azəri-Çıraq-Günəşli"dən 625,6 milyon ton neft, 251,1 milyard kubmetr qaz, "Şahdəniz"dən isə 54,2 milyon tona yaxın kondensat, 278,5 milyard kubmetr qaz hasil edilib.

🖨 Çap et

11:09 17.07.2026

Oxunuş sayı: 52