İrina Bilik uzun müddətdən sonra kiçik oğlu ilə görüntülərini paylaşıb
Ukraynalı məşhur müğənni İrina Bilik uzun fasilədən sonra kiçik oğlu Təbrizin yeni görüntülərini ictimaiyyətlə bölüşüb.
Crossmedia.az xəbər verir ki, sənətçi paylaşımı "Instagram" hesabında edib.
Müğənni gil işi üzrə ustad dərsində oğlu ilə birlikdə vaxt keçirdiyi anları əks etdirən videonu izləyiciləri ilə paylaşıb. Bildirilir ki, 2026-cı ilin dekabrında Təbrizin 10 yaşı tamam olacaq.
Paylaşıma belə bir qeyd əlavə olunub:
"Sizcə, uşaq daha çox nəyi xatırlayacaq: bahalı hədiyyələri, yoxsa birlikdə keçirilən belə sadə anları?"
İzləyicilər şərhlərdə əsas dəyərin uşaqlarla birlikdə keçirilən vaxt olduğunu vurğulayıblar. Onlar "Birlikdə yaşanan anlar ən qiymətlisidir", "Uşaqlarla keçirilən vaxt əvəzolunmazdır" və "Uşaqlar üçün əsas olan diqqət və birlikdə olmaqdır" kimi fikirlər səsləndiriblər.
06:00 13.07.2026
Oxunuş sayı: 94
