Paşinyan: Mişustinlə Ermənistan məhsullarının ixracı məsələsində razılıq əldə olunub
Ermənistanın Baş naziri Nikol Paşinyan Rusiyanın Baş naziri Mixail Mişustinlə Yekaterinburqda keçirdiyi görüşdə Ermənistan məhsullarının idxalına tətbiq olunan məhdudiyyətlərlə bağlı razılıq əldə edildiyini bildirib.
Crossmedia.az xəbər verir ki, Paşinyan bu barədə brifinqdə danışıb.
Onun sözlərinə görə, Mixail Mişustinlə keçirilən görüş açıq, səmimi və dostluq şəraitində keçib.
Paşinyan qeyd edib ki, tərəflər bir sıra məsələlər üzrə razılığa gəliblər, lakin əldə olunan razılaşmaların təfərrüatlarını hələlik açıqlamaq istəmir.
"Əldə olunan razılaşmaların detallarını indi açıqlamayacağam. Onlar reallığa çevrildikdən sonra hər şeyi özünüz görəcəksiniz", – deyə Ermənistanın baş naziri bildirib.
16:09 09.07.2026
Oxunuş sayı: 59
