Dağıstanda onlarla kənd dünyadan təcrid olunub
Dağıstanın Çarodinski rayonunda güclü sel axınları yolları dağıdıb və yaşayış məntəqələri arasındakı nəqliyyat əlaqəsini çətinləşdirib.
Crossmedia.az bu barədə xarici mediaya istinadən xəbər verir.
Məlumata görə, çaylar məcrasından çıxıb, Maqar kəndində isə körpü zədələnib.
Selin nəticələri səbəbindən Tsurib–Arçib marşrutu üzrə hərəkət dayandırılıb. Yerli sakinlərin sözlərinə görə, 51 yaşayış məntəqəsi normal nəqliyyat əlaqəsindən məhrum olub. Daha 16 kənd isə faktiki olaraq yollara tam çıxış imkanını itirib.
Bölgədə vəziyyətin mürəkkəb olaraq qaldığı bildirilir. Yerli sakinlər yolların və körpünün bərpasını gözləyirlər.
18:46 08.07.2026
Oxunuş sayı: 55
