Xarici xəbərlər

İsrail ordusu HƏMAS komandirlərindən birini öldürüb

İsrail ordusu Qəzza zolağının cənubunda HƏMAS-ın xüsusi təyinatlı "Nuxba" bölməsinin rəhbərlərindən biri Məhəmməd Əbu Taimin öldürüldüyünü açıqlayıb.

Crossmedia.az xəbər verir ki, "Telegram" kanalında yayılan məlumatda bunu İsrail Müdafiə Ordusu bildirib.

Məlumata görə, Məhəmməd Əbu Taim 2023-cü il oktyabrın 7-də İsrailin Nirim kibutsuna edilən hücumda iştirak edib. Bildirilir ki, o, sonradan HƏMAS-ın döyüş hazırlığının qorunmasına və təşkilata yeni üzvlərin cəlb edilməsinə cavabdeh olub.

İsrail ordusu əməliyyat zamanı mülki əhali arasında itkilərin minimuma endirilməsi üçün yüksək dəqiqlikli sursatlardan istifadə edildiyini və hava müşahidəsinin həyata keçirildiyini açıqlayıb.

🖨 Çap et

16:03 08.07.2026

Oxunuş sayı: 41