Moldovanın istefa verən Baş naziri: Zaman hər şeyi öz yerinə qoyacaq
Moldovanın istefa verən Baş naziri Aleksandr Muntyanu vəzifəsini təmiz vicdanla tərk etdiyini və hakimiyyətin yeni hökumətə problemsiz təhvil veriləcəyini bəyan edib.
Crossmedia.az xəbər verir ki, bu barədə o, Kişinyovda jurnalistlərə açıqlamasında danışıb.
Muntyanu istefasını "mürəkkəb bir hekayə, zamanın hər şeyi öz yerinə qoyacağı bir proses" kimi xarakterizə edib.
"Qalmaqal gözlənildiyini başa düşürəm. Sosial şəbəkələrdəki şərhləri oxumamağa çalışdım, amma mənə deyilənlərə görə, orada səsləndirilən ssenarilərin 90 faizi həqiqətə uyğun deyil", – deyə o bildirib.
Baş nazir vurğulayıb ki, səlahiyyətlərini yeni hökumətə maneəsiz şəkildə təhvil verəcək.
Muntyanu istefadan sonra akademik və mədəni fəaliyyətə qayıtmağı planlaşdırdığını bildirib. Onun sözlərinə görə, o, ABŞ-dəki Kolumbiya Universitetində mühazirələr oxuyacaq, həmçinin rəhbərlik etdiyi "Fransız Alyansı" Mədəniyyət Mərkəzinin layihələrində daha fəal iştirak edəcək.
12:34 06.07.2026
Oxunuş sayı: 63
